တွင်းတောင် (မန္တလေးသူ)

သူ့ နာမည်က တွင်းတောင် တဲ့ .... နေရာနဲ့ အကွာအဝေးအားဖြင့်ပေါ့.. စစ်ကိုင်းတိုင်းအတွင်းမှာရှိတဲ့ မုံရွာမြို့ မြောက်ဘက် ယခင်ကတော့ (၂၈)မိုင်ရှိရာက ယခု မိုင်(၂၁)ကျော်သာရှိတဲ့ ဘုတလင်မြို့ ရဲ့ အနောက်ဘက် (၃)မိုင်ခန့် အကွာမှာရှိပါတယ်... တောင်ပေါ်မရောက်သေးခင် အပြင်ကနေ အမြင်အားဖြင့် ကြည့်ရင်တော့ တောင်တစ်တောင်ပါပဲ... အဲဒီတောင်ရဲ့နာမည်ကိုတော့ တွင်းတောင်လို့ခေါ်ပြီး မီးတောင်ဟောင်းတလုံးလို့ လဲ သိရပါတယ်... အဲ... တောင်ထိပ်ကိုရောက်သွားပြီဆိုရင်တော့ ပုံမှာမြင်ရတဲ့အတိုင်း တောင်ပတ်လည်ရဲ့ အလယ်ဗဟိုချက်နေရာမှာ တမိုင်ပတ်လည် အချင်းရှိတဲ့ ၁၄၆ပေ နက်တဲ့ ချိုင့်ကြီးထဲမှာ အစိမ်းပုတ်ရောင် ရေတွေကို စပြီးမြင်ရတော့တယ်... အဲဒီအင်းကြီးကို " ရေခါးအင်း"လို့ လည်းခေါ်သတဲ့.. အင်းရဲ့ ပတ်ပတ်လည်မှာ မြင့်မာမတ်စောက်တဲ့  တောင်နဲရံတွေနဲ့  စိမ်းညျို့ နေတဲ့သစ်ပင် တွေလည်းတွေ့ ရသေးတယ်... အော်.. တစ်ခုထူးဆန်းတာက အဲဒီရေခါးအင်းကြီးဟာ ချင်းတွင်းမြစ်ရေ တက်ရင် အင်းရေကျပြီး မြစ်ရေကျရင်တော့ အင်းရေ တက်သတဲ့လေ... အဲဒါကတော့ ကျနော်စာထဲမှာ ဖတ်ဖူးတာပါ... တောင်ထိပ်ကို စရောက်သွားတော့ အစိမ်းပုတ်ရောင် ရေတွေ ပြည့်နေတဲ့ ဒယ်အိုးကြီးတစ်လုံးလို အပေါ်စီးကနေမြင်ရတဲ့ မြင်ကွင်းလေးက ကြည့်မ၀ချင်စရာကောင်းလှပေမဲ့ နေပူပူမှာ တနေကုန်ထိုင်ကြည့်ဖို့ တော့ အချိန်မရဘူးပေါ့.... အဲဒီ စိမ်းပြာပြာ ချွဲကျိကျိ ရေတွေက သောက်ရေ သုံးရေအဖြစ်အသုံးပြုလို့ မရတဲ့အပြင် ရေရဲ့ ရနံ့ က ဆာလ်ဖာနံ့ပါဝင်တဲ့ စိမ်းရွှေရွှေနဲ့  ညှီစို့ စို့ ရနံ့ တမျိုးကို တောင်ထိပ်ပေါ်ကနေ စတင်ရှူရှိုက်ရပါတော့တယ်... ဒါပေမဲ့  အဲဒီရေထဲမှာရှိတဲ့ စပီရူလိုင်းနားလို့ ခေါ်တဲ့ စိမ်းပြာရေညှိတွေက ကျနော်တို့ အတွက် အင်မတန် အဖိုးတန်တဲ့ သဘာဝသယံဇာတတွေ ဖြစ်ခဲ့ပါတယ်... စိမ်းပြာရေညှိကနေ လူတွေအတွက် ပရိုဗီမင်အားတိုးဆေး.. စပီရူလိုင်းနားခေါင်းလျှော်ရည်.. အချိုရည်.. ရေညှိစိမ်း သနခါး.. ရေညှိစိမ်း ဆပ်ပြာ စပီရူလိုင်းနားဘီယာ စတဲ့ အကျိုးပြုပစ္စည်းတွေ ထုတ်လုပ်နေတယ်လို့  သိရပါတယ်... ကျနော်တို့ အဖွဲ့ ဟာ တောင်ပေါ်ကနေ သဘာဝဒယ်အိုးထဲကရေစိမ်းစိမ်းတွေနဲ့ ရှုခင်းတွေကို ဓါတ်ပုံရိုက်ခြင်းအမှုပြုပြီးသကာလ တောင်အောက်ကို ဆင်းပြီး စက်မှုဝန်ကြီးဌာန အမှတ်(၃) ဆေးဝါးစက်ရုံရဲ့ စိမ်းပြာရေညှိထုတ်လုပ်တဲ့ ရေခါးအိုင်ရှိရာကို ဆက်လက်ချီတက် ခဲ့ကြပါတယ်.... ရေခါးအိုင် မရောက်မီ ကွန်ကရစ်လမ်းအတိုင်းလျှောက်လာတော့ လမ်းရဲ့ ဘေးဘယ်ညာမှာ ရေကန်ရှည်ရှည်လေးတွေအများကြီးရှိပါတယ်... အဲဒီထဲမှာ ဒလက်တပ်ထားတဲ့ ပန်ကာတွေက တာဘိုင်လို လှည့်ပေးပြီး လိုအပ်တဲ့အပူချိန် အတွင်းမှာ စိမ်းပြာရေညှိတွေကို အသစ်ထပ်မွေးနေတာတွေ့ရပါတယ်... ဒီနေ့ ဟာ ကဆုန်လပြည့်နေ့ အခါကြီး၇က်ကြီး ဖြစ်တာမို့  စက်ရုံဝန်းတစ်ခုလုံးလူရှင်းပြီး လည်ပတ်မှုတွေလဲ ရပ်နားထားတာမို့ စပ်စုချင်တိုင်းစပ်စုခွင့်တော့မရခဲ့ပါဘူး.. အော်.. ဒါနဲ့ စကားစပ်လို့  ဂျူး ရေးတဲ့စာအုပ်ထဲမှာ ဖတ်၇တဲ့ ဗဟုသုတလေးကို ပြန်သတိရလို့ .. အခုကျနော်တို့ သောက်နေတဲ့ ရေဟာ PH-7 ဖြစ်ပြီး ပင်လယ်ရေဟာ PH- 7.8 ကနေ 8.3 ထိရှိပါသတဲ့.. ပြီးတော့ အခု တွင်းတောင်ရေကတော့ PH- over 8.5 လို့ ဆိုပါတယ်.. အဲ့ဒီ PH- 8.5 မှာသတ္တ၀ါတော်တော်များများ အသက်မရှင်နိုင်ပေမဲ့ ရေညှိစိမ်းကတော့ အကောင်းဆုံး မျိုးပွားနိုင်ပါသတဲ့... ဒါကြောင့်မို့ လဲ ရေညှိကို ကန်တွေထဲမှာ မျိုးအသစ်ထပ်ပွားပြီး ထုတ်လုပ်မွေးမြူနေတာကြောင့် ရေညှိတွေဟာ ကုန်တယ်လို့ မရှိပဲနှစ်စဉ်ထုတ်လုပ်တင်ပို့ နေတာပေါ့... နောက်ထပ်တစ်ခုကတော့ အဲဒိရေခါးအင်းထဲမှာ သဘာဝအလျောက်ရှင်သန်နေထိုင်နေတဲ့ တွင်းပိုး သတ္တ၀ါတမျိုးပါပဲ.... ယခုတော့ အရင်ကလောက်တွင်းပိုးသိပ်မထွက်တော့ပဲ အနည်းငယ်သာထွက်ပါတော့တယ်... သူ့ ခန္ဒာအဟာရအတွက် လူတွေရဲ့ လောဘကြောင့် တွင်းပိုးတွေလဲ မျိုးတုန်းပျောက်ကွယ်မှာတောင် စိုးရပါသေးတယ်... ဘာလို့ လဲဆိုတော့ စာထဲမှာ ဖတ်ရတဲ့ ဗဟုသုတလေးပေါ့.. တွင်းပိုး အမတွေက ဥဥရင် ရေစပ်ကကျောက်တုံးပေါ်မျ ဥချလေ့ရှိပြီး မိုးရွာခါနီးရင် လောက်လန်းလို အကောင်လေးတွေပေါက်လာတယ်.. သူတို့ ကို ဖမ်းချင်ရင် ညအခါ ရေစပ်မှာ မီးခွက် ထွန်းထားလိုက်ရင် မီး ရှိရာကို ကူးခတ်လာပါတယ်.. ဒါကို ဆန်ခါကုံးနဲ့ စစ်ခပ်ပြီး ဖမ်းလိုက်ရုံပါပဲတဲ့... အကောင်ကြီးတဲ့ အဖို အမတွေကို ဖမ်းမိရင်တော့ မျိုးမတုန်းစေရန် ပြန်လွှတ်ပေးရတယ်.. ဆိုပေမဲ့.. လူ့ လောဘတွေနဲ့ တွေ့ လို့  ကြာလာရင် မျိုးမတုန်းနိုင်ဘူးလို့  ဘယ်သူအာမခံ နိုင်မလဲနော်..... ခုတောင် လက်ဆောင်ပေးဖို့  တော်တော်ဈေးကြီးပေးဝယ်ခဲ့ရတယ်.... တွင်းပိုးက အရင်လို မပေါတော့ပဲ ရှားသွားလို့  ဈေးကြီးရတာပါတဲ့လေ... ဖြစ်နိုင်ချေရှိတာကတော့ တွင်းပိုးရှားလေ ဈေးကြီးလေ... ဈေးကြီးလေ မိတဲ့တွင်းပိုးကို ပြန်လွှတ်ပေးဖို့  အခွင့်အလမ်းနည်းလေ... ကြာလာလေလေ.. မျိုးတုန်းလေ.. ဆိုသလိုပါပဲ.. တွင်းပိုးကို မစားဖူးသော်လည်း စားဖူးသူတွေပြောပြချက်အရ တွင်းပိုးခြောက်ကို ဒယ်ကပ် ဆီပူပူလေး ထဲမှာ လှိမ့်ကြော်ပြီး လက်ဖက်ထဲထဲ့စားရင် ချို မွှေး စိမ့် အရသာရှိပါသတဲ့... အာနိသင်ကတော့ တွင်းပိုး ၂ စွန်းကို နွားနို့ တခွက်နဲ့ အတူသောက်ရင် ကုန်ခမ်းသွာတဲ့ အားအင်တွေ ပြန်လည်ပြည့်ဖြိုးလာတယ် ဆိုပဲ..... ဖြစ်နိုင်ချေတော့ရှိပါတယ်... ဘာလို့ လဲဆိုတော့ လူတွေအတွက် အားဆေးဖြစ်တဲ့ ဗီတာမင် ဆေးတောင်ထုတ်လို့ ရတဲ့ ရေညှိစိမ်းကန်ထဲမှာ ရှင်သန်ပေါက်ဖွားတဲ့ တွင်းပိုးဖြစ်နေလို့ ပေ့ါ.. ကိုရီးယားနိုင်ငံမှာ ဂျင်းဆင်းဆေးမြစ်ကို အမြတ်တနိုးနဲ့တန်းဖိုးထားပြီး သုံးကြသလို ဂျင်းဆင်းလို့ ဆိုလိုက်တာနဲ့ ကိုရီးယားကစ္စည်းမှန်း သင်္ကေတတစ်ခုသဖွယ် သူတို့ တန်ဖိုးထားသုံးစွဲကြသလို.... ကျနော်တို့ နိုင်ငံမှာလည်း တကယ်အဖိုးတန်တဲ့ စိမ်းပြာရေညျိကို တွင်တွင်ကျယ်ကျယ်နဲ့ မှန်မှန်ကန်ကန် အသုံးပြုနိုင်ကြပြီး စိမ်းပြာရေညှိလို့ ဆိုလိုက်တာနဲ့ အဖိုးတန် မျိုးမှန်တဲ့ မြန်မာ့ သင်္ကေတ အဖိုးတန်ပစ္စည်းတစ်ခု ဖြစ်စေချင်လိုက်တာ... ခုလည်း လုပ်နေသားပဲလို့ တော့ မပြောလိုက်ပါနဲ့နော်.. ကျနော်တို့  ရေညှိစိမ်းနဲ့လုပ်တဲ့ပစ္စည်း- ဥပမာ သနခါး ခေါင်းလျှော်ရည် စတာတွေကို တန်ဖိုးထားပြီး သုံးချင်တာတောင် ၀င်းသူဇာမှာ အကုန် ၀ယ်လို့ မရဘူးဗျ....